Y Ganolfan Genedlaethol
Eisiau llogi ystafell yn Aberystwyth?... cliciwch yma...
Gwireddwyd breuddwyd yn y flwyddyn 2000 pan fuddsoddodd y mudiad mewn canolfan yn Aberystwyth. Prynwyd yr hyn a oedd yn ganolfan Urdd Sant Ioan a’r Groes Goch yn flaenorol, a chyn hynny yn gapel o dan ofal y Parch Aseriah Shadrach.
Agorwyd ar Fawrth 1af 2000 gan Marged Jones ein Llywydd Anrhydeddus yng nghwmni Sylwen Lloyd Davies y Llywydd presennol.
Cafwyd Cyngerdd agoriadol a gwahoddwyd cynrychiolwyr o’r mudiad ynghyd a gwesteion eraill i ymuno gyda ni.
 |  |
| Marged Jones yn Cyflwyno Cloc i'r Ganolfan Genedlaethol | Mae pob rhanbarth yn arddangos baner yn y ganolfan |
Erbyn hyn y mae yn adnodd cymunedol ac yn adeilad a ddefnyddir yn rheolaidd gan 50 o sefydliadau a mudiadau. Mae yna Ystafell Gynhadledd ac Ystafell Weithgareddau, lolfa, cegin bwrpasol a gardd fechan gymunedol. Mae lluniaeth lleol ar gael am bris rheymol. Mynediad i’r anabl a lifft i fyny i’r llawr cyntaf.
 |  |
Mae yn lle delfrydol i gynnal digwyddiad, cyfarfod neu barti.
Prisiau
Gellwch logi ystafell am cyn lleied a £10.00 am fore, prynhawn neu noson.
Adnoddau: teledu a fideo, byrddau gwynion, bwrdd du, teganau i blant, cyfrifidur, llun-gopiwr, offer cyfieithu, meicroffon, uwchdaflunydd, taflunydd a llawer iawn mwy.
Gallwch ymlacio yn yr ardd fechan gymunedol a wnaethpwyd o dan gynllun ymddiriedolaeth y tywysog.
 |  |
'Yn y Ganolfan Genedlaethol fe gewch groeso cynnes a gwasanaeth derbynnydd, cewch eich croesawu gan Delyth neu Jayne, ac yn aml iawn mi fydd Tegwen neu Miriam swyddog cyllid y mudiad hefyd yn gweithio yn y swyddfa ac fe gewch wasanaeth penigamp gan y gofalwr Mr. Brian Ishmael.